One year older, none the Wiser!
....................................... id3olah bira7mah (click me)
i don't feel like celebrating my birthday this year... i can't feel it!! ... i think i'm officially old.. i don't only feel old .. am starting to act like one!
.
.
.
.
على الصعيد السياسي:
محد مستبشر خير بهالوضع .. اللي مخرعي ان حتى "القلة" من فئة المتفائلين.. يساورهم نفس الشعور... الله يستر .. الوضع الاقتصادي في البلد ممكن يستغل بطريقة تخلينا أحسن دولة في الشرق الأوسط... لكن حسافتنا
.
.
.
و بما انهم يقولون ان السياسة تقصر العمر و آنا مو ناقصة بروحي مابقالي شي و أضرب العداد... حبيت اناقش موضوع لفت انتباهي بالكويت واللي هو " شنو سيارتك؟" ززز
.
.
.
وحدة قاعدة تسألني عن بنت على شان بيخطبونها... سألتني عن عمرها و أي مواليد و وين تدرس و منو ربعها... حلو؟ لا مو حلو ما خلصنا ليلحين ... فجأة سألتني "شنو تسوق؟"ززز
قتلت لها آنا خابرة سيارتها أجار... تتوقعون شردت علي؟ " أجار؟ ليييششششش؟؟؟" و بتعابير وجه وحدة تتنسى
ز
وحدة دازتلي مسج تسألني (هم عن وحدة) نفس الأسئلة اللي فوق و آخر شي " شنو سيارتها؟" ظظظ
.
.
.
آنا حاليا قاعدة اسوق سيارة البيت على ما ألقالي سيارة... كل ما نطلع طلعة آنا اروح بسيارتي و اختي بسيارتها لان كل وحدة جاية من مشوار غير فنتواعد بالمكان المعزومين فية.. لما نجي نطلع و أسلم و أطلع.. على طول اختي تتصل علي
آنا: ألو
اختي: يسئلوني اذا هذي سيارتك؟
آنا: هاو؟
أختي: طارت بوهتهم ... يقولون ليش اختك تسوق هالسيارة؟
آنا: و أنا قيمتي بالسيارة؟
أختي: قلت لهم هذي سيارة البيت على ماتشتري سيارة جديدة
آنا: و من قالك أبي سيارة جديدة؟ قوليلهم هذي سيارتها و عاجبتها و مرتاحه منها و ماني مغيرتها
.
.
.
.
إشهالزمن الردي اللي الواحد يتقيم على سيارته؟ ما دروا ان مليارديرية الكويت ما يركبون الا كابرس؟ مو بخل... بس هذا اللي يرتاحون منه!! ... آنا كنت ناوية اشتري سيارة... بس هونت سيارتي الجيب... عـــاجـــبـــتـــني
كل عام و انتي بخير يالعقربة الصغيرة
:)
حلوة سالفة السيارة
Posted by
Mohammad Al-Yousifi |
8/11/07 2:41 AM
كل عام و انتي بخير
صحيح هنالك البعض لهم مفهوم خاطيء ان السيارة تعكس بالضرورة الوضع المادي للشخص
و احيانا تعكس شخصيته
اهانة ان يتم تصنيف الشخص على سيارته
Posted by
nEo |
8/11/07 9:16 AM
الأول : تعرف فلان ؟
الثاني : منو ؟؟ راعي ال... ؟
جذي صار تعريف الأوادم الحين !!
................
الظاهر انج شايفتني بكابرس بس هذي مو سيارتي :)
Posted by
Bad-Ran |
8/11/07 5:49 PM
تعودينه كل سنة و انتي بخير و صحة و عافية .... شدعوة بيتزجون السيارة ؟
Posted by
متفرغ |
9/11/07 3:46 AM
kila ma6goog
كدشنا
nEo
بغيت ارتكب فيهم جريمة ذاك اليوم... و إانت بخير و صحة و سلامة
bad-ran
تصدق عاد .. أحس
men in fancy cars look gay ;-p
متفرغ
أسفرت و أنورت... وانت بألف خير... يمكن يبون وحدة تصرف عليهم؟ مرض اللهم يا كافي
OFF TOPIC QUESTION
WHO IS CAPO DE CAPO???
Posted by
Mother Courage |
10/11/07 12:50 AM
Post a Comment