إداد لنا
..
مع عز موسم الاعراس بدولتنا الحبيبة الكويت... أحب انوه اني وحدة مليت من عروسنا, روتين ممل, مثل المسرحية الي تنعاد عليك كل يوم, كلشي هبه, بكل الحفلات نفس انواع الحلو, نفس مصممين البدل, نفس مصممين الكوش و البطاقات, نفس التسريحات و نفس المكياج..... يا بخت الرياييل, حدد السكسوكه و لبس دشداشته و مشى, ربع ساعة الا هو راد البيت.. أما احنا
.
واسطات علشان القى موعد عند صالون معين و ووحدة معينة
.
تاخذ موعد قبل كم شهر والا انسى الموضوع
.
الوقت اهي اللي تحدده مو انتي..عندك ارتباطات و مايناسبك الوقت؟ دوري صالون ثاني
.
تروحين بالوقت المحدد... يزرعونك ساعة, ساعة و نص و ساعات أكثر...فيك خير تكلمي
.
يضيع يومك كله وانتي بالصالون
.
و اخيرا يجي دورك...الحبيبة منفسة, تدعسين عليها بخشيش عل و عسى ان المود يتعدل... وحياتك ما شفت أطول من هالبوز.. تقولين لها " من فضلك, لوسمحتي, ولا عليك أمر, ودي أسوي تكسير.." ترد بنفس " ما بيلبألك" ما بيلبأ لي والا مالك خلق لانه ياخذ وقت؟
.
تطلعين من الصالون قاطه مو اقل من 100 دينار, و ضايق خلقك مو عاجبك شكلك
.
تردين البيت "متليشة" تلبسين البدلة و الشبكة و تروحين الحفلة, و تلقين وحدة لابسة نفس بدلتك اللي بالشي الفلاني... كن موزعينها ابلاش....يا سلااام
.
نفس الأغاني بكل العروس, رقص البنات ممل و ماصخ, و مكان الرقص يكون RAILWAY
.
سابقا كان التشره من نوع " يا حافظ ليش ما حضرتي عرس فلانة؟"... اما الحين بيتشرهون سواء حضرتي والا ما حضرتي..."فلانة ليش مارقصتي؟".."ليش ماتعشيتوا؟"
.
..
تدخل العروس لابسة بدلة من المصمم الفلاني, مشكوكة الطرحة و البدلة و الذيل, و وزن البدلة 30 كيلو..و سعرها أثقل منها... و فجأة تسمع اللي وراك تقول.." بدلتها حلوة و فخمة بس مو غريبة" .. يا كثر ما تبسبسون
.
مجاملات ما تنتهي...و لا تخلو من السخرية المبطنه
.
تدخلين قاعة العشا توك قايلة بسم الله, تطلع لك وحدة مادري من وين, " انتي بنت فلانه؟" كله باسم الام طبعا..انا ارد و احاول بقدر الامكان ان ابتسامتي تكون طبيعية... ترد عليك و عيونها تلمع من الحماس " لاتحاتين البدلة عليك أحلى منها" ... يعني لازم تذكريني؟
.
الحين مينيوز و مايجيبون العشا الا انتي بتغشين من الجوع passe البوفيهات صارت "دئه أديمه"
..
تردين البيت ساعة و نص تشيلين الماشات اللي بشعرك و توخرين هالالوان اللي بويهك..تاخذين شاور , تلبسين بجامتك, تاكلين بانادوله , تحطين بدلتك حق اللوندري , تفصخين شبكتك والا تلقين شي ضايع منها, يا خاتم ضايع يا تراتشي طايحة يا فصه منكسرة...تروحين دارك و تنامين منغثه... تقومين من باكر عيزانة و مافيك حيل تطلعين... و خلص الويك اند وانتي ماسويتي شي مفيد!!
.
.
.
متى اقدر اعتزل العروس؟
.>
>
>
>
>
سؤال:
.
أي أيام الزواج أحلى...بدايتها والا في عمر متقدم منها؟
.
.
.
.
Mom and Dad, Happy 33rd anniversary ;*
اف ان اداد لكم .... اذا عزيمة عادية اروح بالدز و الصراخ هالدور اروح عرس بو ثلاث او اربع او حتى خمس ساعات .... ما في احلى من عرس الريايل ادش و اسلم و ابارك و حتى اطلع على طول من غير ماقعد اذا كان العريس ما يصير لي - ادري انه ما يجوز بس حزات مالي بارظ اقعد من غير سالفة ..... اذا يصير لي اقعد لي حزة العشا و بعدها اطلع .... و القهر ان البعض ما يتم شي ما يعلقون عليه يطلعون مليون عيب بالعرس :(
Posted by
متفرغ |
17/6/07 1:32 PM
الداد للريال اللي بالبيت
قاضب الريموت ينطر مرته تدقله تقوله مرني
و اذا صار العرس يوم الخميس حدر لها بالليل
و المشكلة الاكبر ان اهو اللي دافع +1000 بين بدلة و تسريحة
و آخر شي حضرتكم متمللين !
لا تروحون و وفروا علينا و عليكم
الله يحفظكم
ما تعرفين مرتي صح ؟
:)
Posted by
nEo |
17/6/07 2:21 PM
بالعكس نيو
المرة ترجع من العرس و هي عروس
تستقبلها و تحضنها و تدلك ظهرها
و تقعدون تتعشون عشا خفيف و بعدين تنامون بسلام و وئام
و توتة توتة خلصت الحتوتة
خاف صج بس
لابو العروس لابو لجتها
مصاريف و خساير عالفاضي
Posted by
Mohammad Al-Yousifi |
18/6/07 1:11 AM
متفرغ
الرياييل تغيروا...قطع
neo
عسى الله يخلينا لكم, وتصرفون علينا أكثر و أكثر
kila ma6goog
ولا يبين بعينهم..انا قايله بعرسي بسوي مطارح و مساند بالارض, سحاحير بيبسي و صواني رهش تدور على المعازيم... محد سواها قبلي و فكرة "غريبة" و من حبي لبوي ..بوفر له
Posted by
Mother Courage |
20/6/07 9:22 PM
ووووووووووووالله وووووووالله قاعد اشررررررح
حق ماي بوي فريند الساااالفه
ساعه كامله
يقووووولي انتي كلا مالج خلق !!!!
انااااااااا اعتزلت 80 من العرووووووووس
ما صرت ارووووووووح
افك روحي و اروح بس العزا
لكن هناك عروووووووووس ما اقدر ما اروح
يعني بين 6 دعوات البي وحده
و على طاري البدله
ووووووووووووووووالله احتريت بدلتي والله كفالي
:(((((((((((((((((
يوم رحت العرس جنها من زارا
عررررررررررفتي الووضضضضضضضضضع
بررررررررررررررررررررردتي قلبي
Posted by
lawyer |
23/6/07 10:11 AM
since when you're back!?
i've prepared a post about weddings too! but haven't posted it yet.
ana ba3tizil leani kil mare7t 3irs ansimikh!!
Posted by
Flamingoliya |
23/6/07 10:16 AM
Post a Comment