عنز بدو طاح بمريس
في يوم 8\11\2008 تم اهدائي جهاز بلاك بيري بولد ..و هذا آخر شي أذكره بحياتي!! ز
ما عندي شي ضده، دمه خفيف،و آخر الاخبار توصل لك أول بأول و جمعنا بناس من فتره مو مسولفين معاهم.. وحده من صديقاتي من ايام الثانوية، اللي فرقتنا الدنيا بعدها بحكم كل حده راحت كليه غير (ماني قايلة من كم سنه لأن الرقم يضيق الخلق) اضافتني بالبلاك بيري ماسنجر و دعتني نروح نشرب فنجان قهوة ، وفعلا حصل بس اللي صار بعدين ان وحنا نسولف ( آنا مصختها شوي) و كل شوي طاله في البلاك بيري مالي والا من بين الرسائل اللي وصلتني لقيت وحده من البنت اللي قبالي تقول ( تحبين نكمل سوالفنا هني؟) آنا عقبها رديت البيت و من باكر الصبح رحت و فصلت خدمة البلاك بيري.. صرت مسبهه!ز
الشي
الشي الثاني اللي خلاني اوقف الخدمة، زين و ما ادراك ما زين!.. متى بيجوزون من هالنصب و الاحتيال..قبل البلاك بيري كنت اروح العبدلي و توصل لي رساله من زين تقول ( اهلا بكم في العراق) قمت و مسحتها!!! اثاري الحبايب من يومها يحسبون مكالماتي دولي! يا حلاتهم
و قبل البلاك بيري فاتورتي ما تتعدي 25 دينار ( ما احب اسولف وايد في التليفون ..أمل) بعد البلاك بيري 76 دينار!!! عسى ماشر؟ يقولي الموظف ان من البراوزر و من الرومنق و من المسجز؟ يعني قبل ما كنت ادز مسجز؟
على العموم آنا الحين احس ان الارادة مو دايمة لي و ان بيجي يوم و أحن له! فاللي مجرب خدمة البلاك بيري مع الوطنية او فيفا يفيدنا بتجربته و ياخذ فيني أجر
what do you think of this model?! احب التليفونات اللي تنصفق
Why the colloquial language? Stick to formal Arabic, easier to understand for all, esp those who like your blog.
Posted by
Anonymous |
9/7/09 8:18 PM
التلفون اللي ينصفق فيه ميزة كبيرة
انه تسكره بويه الغثيث نفس تلفون البيت
Posted by
mtfa2el |
11/7/09 2:31 PM
صار لي فترة محتار بين الاي فون و البلاك بري ..... شكلي بتم على تلفوني القديم ال 6300 .... و اشتري راحة بالي :)
Posted by
متفرغ |
20/7/09 2:44 AM
مبارك عليج الشهر :)
Posted by
متفرغ |
21/8/09 10:09 PM
can't stand odd numbers..
Posted by
Mother Courage |
22/8/09 12:59 AM
Anonymous
إنشاءالله و الغنيمة :P
mtfa2el
بس بتلفون البيت الصوت يطلع أحلى
متفرغ
لا هذا و لا ذاك، البلاك بيري مالي اخترب مرتين و ما صارله سنه..الحين استخدم تلفون بعشرين دينار حتى كاميرا ما فيه، يا حلو الرخيص..كد و مد
و مبارك علينا و عليكم بصحة و عافية
Posted by
Mother Courage |
22/8/09 1:20 AM
Post a Comment